《我是一隻小小鳥飛行遊記》創作大賽 | WWF Hong Kong


《我是一隻小小鳥飛行遊記》創作大賽 
	© WWF-Hong Kong

又要飛啦!

候鳥每年都會沿東亞-澳大拉西亞飛行航道旅行一趟,旅途上嘅好玩刺激疲憊辛酸,三言兩語真係講唔晒。宜家邀請各位有腳嘅雀仔,即係有無限想像力嘅你哋呀,創作一個橫越半個地球嘅《我是一隻小小鳥飛行遊記》。大家可以自選以下一隻心儀候鳥,再以文字或繪畫方式,記低呢趟正到飛起嘅旅程。

完成後,可於2018年10月10日前將作品及個人資料(姓名、身份證編號、聯絡電話或電郵)電郵至walk@wwf.org.hk,就可以參加《我是一隻小小鳥飛行遊記》創作大賽,勝出參賽者,更可以同親友一齊免費參加本年度11月舉行嘅「步走大自然2018」活動,嚟米埔同真候鳥分享旅程經歷。

獎品:
頭獎:4人同行,一起免費參加「步走大自然2018」活動
二獎:3人同行,一起免費參加「步走大自然2018」活動
三獎:2人同行,一起免費參加「步走大自然2018」活動

 
活動條款及細則:
  • 活動日期為即日起至2018年10月10日,參加者必須於當日晚上11:59或之前遞交作品
  • 遞交時,可將作品連同個人資料(姓名、身份證編號、聯絡電話或電郵)電郵至walk@wwf.org.hk
  • 是次作品必須為原創
  • 遞交時間以世界自然基金會香港分會之電腦記錄為準,並將保留是次活動之最終決定權
  • 創作大賽得獎名單將於2018年10月15日於「步走大自然2018」官網公布,得獎者將同日獲電話或電郵通知
 

反嘴鷸

反嘴鷸 
	© WWF-Hong Kong
反嘴鷸
© WWF-Hong Kong
目標清晣最緊要
嘴巴向上翹一翹,食嘢唔怕嘴超超。反嘴鷸嘅嘴尖幼修長仲要向上彎,咁佢點樣食嘢呢?其實睇真啲,只要佢垂低頭,彎彎嘅嘴尖就可以貼近泥面,只要輕輕一挑,就可以將小魚蝦、螺貝、蟲蟲等放入口中。
*小tips分享:反嘴鷸最愛企喺潮間一帶泥灘或淺水基圍覓食

針尾鴨

針尾鴨 
	© Neil Fifer
針尾鴨
© Neil Fifer
百厭雀仔潛落水
「倒掛金鉤」未必時時有得見,但「倒吊鴨」就有機會喺米埔后海灣見到。外形標緻嘅針尾鴨,頸長尾尖,輪廓修長,最愛喺淺水地帶進食水生植物同無脊椎生物。佢哋進食時會將頭潛入水,屁股朝天,變成一隻「倒吊鴨」,認真調皮。
*小tips分享:咪睇佢哋只有三四罐汽水咁大,由俄羅斯西伯利亞遷徙到香港都淨係用咗14日咋,最高飛行速度仲高達每小時100公里

黑臉琵鷺

黑臉琵鷺 
	© Wayne Wu
黑臉琵鷺
© Wayne Wu
都想扮靚靚
最危險嘅地方,都可以係繁殖嘅好地方!個嘴好似琵琶一樣嘅黑臉琵鷺,就住喺北韓同南韓交界嘅非軍事區,認真有霸氣呀!呢班霸氣雀仔雀女,仲好鍾意一齊集體活動,互相幫大家打理羽毛,幾時都以最佳狀態示人。話時話,黑臉琵鷺係全球瀕危品種呢!
*小tips分享:黑臉琵鷺每年就係由千里以外嘅非軍事區飛嚟香港過冬,但佢哋中途竟然可以不眠不休

黑尾塍鷸

黑尾塍鷸 
	© John and Jemi Holmes
黑尾塍鷸
© John and Jemi Holmes
最愛偏食
偏食,唔係小朋友先有,原來雀仔都有架!黑尾塍鷸唔食魚,但水生同陸生嘅昆蟲、甲殼類,甚至軟體類嘅佢哋通通都食,喺米埔泥灘就有機會見到喇!雖然佢哋分布廣泛,越冬種群遍布歐洲、非洲、中東、澳洲同新西蘭,但佢哋嘅數量已開始有下降趨勢,亦因此成為全球的近危物種。
*小tips分享:嚟到米埔,讀到黑尾之後就唔識讀?有邊讀邊又唔啱?記住喇,「塍鷸」讀音係「成核」

鸕鷀

鸕鷀 
	© Neil Fifer
鸕鷀
© Neil Fifer
漁夫好幫手
有頭髮嘅又點止得人類呢?英俊有型嘅鸕鷀,身高77-94厘米,但佢哋同人類嘅價值觀唔同,白色唔代表蒼老而係不羈,所以繁殖嘅時候頭頸位置有白色羽毛,呢個look再配襯佢黃色嘅嘴角同藍綠色眼睛,係咪吸引死人呢?唔知今年係米埔會見到咩色嘅呢?
*小tips分享:原來,鸕鷀係捕魚高手,至今仲會喺日本同中國內地幫漁夫手捉魚!